لازم تكون عارف ان عمرك الحقيقي ملهوش علاقة بتاريخ ميلادك. لان في ناس كتيره جدا عمرها اللي مكتوب في البطاقة يخليك تشوفهم كبار جدا ولكن هما في الحقيقة مجرد عيييال.
زي ما انت بتكبر كده وبتنضج في تفكيرك وتصرفاتك وجسمك كمان في درجه من النضج بنسميها ( النضج العاطفي )
بنشوف ناس معندهاش نضج عاطفي ناس يكونوا كبار في السن ولكن معندهمش نضوج عاطفي. الناس دي بيكون عندهم اعراض كتيره زي- قلة الثقة بالنفس - عدم الامان في المطلق في يدور على الامان في اي حاجه. - قلم وتوتر في حياتهم
ومستوي متدني في علاقاتهم - علاقات غير صحيه
مما يجعلهم غير قادرين علي التواصل مع الآخرين علاقات قليلة جدااا
وعلشان تعرف انت من نوعية الناس دي ولا لا..من خلال اربع عادات لو موجوده عندك انت لازم تتخلص من العادات دي بسرعه ..
اولا. إتخاذ مواقف دفاعية وهي إنك في حالة الهجوم عليك وانتقادك في تصرفاتك وأفعالك من اي حد حواليك في الشغل في الشارع في البيت بتاخد رد فعل عنييف وسريع وده نتيجه لحدوث شعور بال.. قلق توتر خوف عار.
ودي مشاعر طبيعية جدا تحصل وهتبدء ترد من غير تفكير وده هيعرضك انك - تخرب علاقاتك بالناس - وتخرب علاقتك بنفسك
وكمان ده هيخليك تاخد دي صوره سلبيه عن نفسك ان الناس بتعملك وحش وكل الناس مش كويسين وتاخد موقف دفاعي عنيف.. لو انت فيك العاده دي حاول تغير من تفكيرك وهو انك ترد بعد ما تفكر في ردك قبل اي رد فعل..
ثانياً. تجنب الصراعات. وهو انك تكون موجود في شغلك او بيتك او اصحابك وفي حد اتكلم في موضوع ضايقك او مختلف معاك فيه وانت بتقرر متردش ده بيخلق عندك صراع داخلي ويحطك في ضغط دايما مع نفسك وده بيوصلك انك معندكش نضج عاطفي وهيكون عندك مشكله في التواصل مع الناس والتخلص من العادة بانك تعبر عن اللي جواك وتتكلم بشكل يكون مرضى ليك ولكن لا تتجنب الصراع الخارجي لتعيش صراع بداخلك انت..
ثالثا. إنكار المشاعر.. بمعني انك بتنكر ضعفك او نقاط ضعفك بتنكر حقيقتك وبعد شويه هتفقد هويتك وبالتالي هتعيش حياة غير حقيقة بالنسبة ليك.. هتفقد طموحك وسيعيك وراء هدفك
المشاعر هي جزء مهم وكبير في تحقيق هدفك وطموحك ويؤدي الي فقد لغه التواصل مع الاخرين ثم فقد للغه التواصل مع نفسك. قوي الإنتاجية هتقل كاد تكون معدومه
رابعاً.. الهروب من المسؤلية.. ما يحدث كثيرا في الجواز
وهو انك تحمل مسؤولية حياتك لشخص اخر عدم المواجه عدم التعامل مع المشكلات او الظروف الطارة وده نتيجه مفاهيم غلط في التربية وهي انك دايما تقول لاودك متعيطش الراجل مينفعش يعيط متعملش انا اعملك هنا بيكون عنده عدم نضوج عاطفي ... اذا كانت لديك هذي العادات عليك التخلص منها سريعا.
اما النضج العاطفي ياتي عندما تكون علي درايه بفهم مشاعرك وفهم قدراتك ولديك القدره علي التعامل معها في مختلف مراحل حياتك
إضافة تعليق جديد