فسر حلمك مع غادة " رؤية الرئيس والشخصيات البارزة

الحلم

عندي ٣ احلام مرتبطة ببعضها

الحلم الاول:

 حلمت ان قبلت دكتور الكليه بتاعي، وكان في الحلم بيدعمني ان اشتغل في مكان معين في مكتب رئيس الجمهورية، وكان مكتبه في الكلية، بس أنا معرفتش ادخل، بس دخلني عند السكرتير بتاعه، السكرتير قالي أروح مكان، عديت زي مكان مكركب من مكتب وكده عشان ادخل ليه بس معرفتش هذا مع العلم أن معرفتي برئيس الكلية معرفة سطحية وأنا شاب عمري ٢٣ سنة وغير متروج مصري الجنسية وأعيش في مصر

الحلم التاني :

تاني يوم حلمت نفس الحلم قبلت الدكتور مع دكتور تاني كان نفس الكلام بنا ونفس الي حصل في الحلم الأول حصل في التاني لحد ما دخلت على رئيس المكتب وكان موسى محمد واللي هو حاليا رئيس حزب الغد، فضل يقنعه ان اشتغل معاه وسالني انت شغال أيه ودراستي إيه فجوبت عليه قالي قول وراية وقرات الاية معاه بس انا نسيت اأن ما هي الآية هذا مع العلم أني كنت مصلي استخاره، بخصوص موضوع جواز وتاني يوم الصبح رحت للمدرسة علشان أدفع مصاريف اخويه فعلمت أن مدير المدرسة طلب امضاء ورقة من مدير الحزب موسى

الحلم الثالت:

حلمت ان الرئيس السيسي كان في البلد عندي ومشييت جنبه مع الحراسه الخاصه بس جه حد فجاه عشان يضربه بس قولت للحرس وجرينا مسكنا الراجل وقبضنا عليه

أنا شاب غير متزوج. ٢٣ سنه مصري ومقيم في مصر

التفسير 

الحلم الاول التفسير مقابلة دكتور الكلية تعبر عن القبول في عمل يدعمك فيه رجل يؤمن بقدراتك و مهاراتك في هذا العمل و يأمل لك الرفعة و الارتقاء به لكن ربما تواجهك بعض المشكلات المؤقتة و سوف تمر و ربما يتأخر تحقق مرادك لفترة فلا تعجز و استعن بالله و حاول مرة بعد المرة الي ان تصل الي ما تريد و نسأل الله لك التوفيق و الله اعلم

الحلم 2 التفسير تأكيد علي المعني الاول حيث انك بالاستمرار و المثابرة سوف تحقق ما تصبو اليه و قراءة الاية في ختام المنام تعبر باتفاق عمل و استقرار حال بعد فترة من الجهد و المشقة في العمل و الله اعلم الاحلام ملهاش دلالة علي موضوع الاستخارة اسأل الله التيسير و افعل ما ينشرح اليه صدرك

الحلم 3 وجود الرئيس في بلدتك هو بشارة بقبول طلب لك من رئيسك في العمل و توافق معه و رفعة شأن لك و المشي بجانبه مشي حال و تيسير عمل و ما حدث في المنام يعبر عن اخلاصك في العمل و نجاة من السوء باذن الله و الله اعلم