شيرين تتصدر بحث جوجل بعد هجومها وسبها لطليقها حسام حبيب

عاد اسم شيرين عبدالوهاب يتصدر مؤشرات بحث جوجل بعدما  ظهرت أمس لتعلن تفاصيل أزمتها مع طليقها أمام الإعلام، بعد مرور أكثر من 8 أشهر على واقعة حلق شعرها، كشفت شيرين فى تصريحات لبرنامج "كلمة أخيرة" تقديم الإعلامية لميس الحديدى على شاشة ON، أن حسام حبيب هو السبب فى قيامها بحلق شعرها، قائلة: "كل خناقة تحصل ما بينا يحرق دمى لحد ما أمسك المكنة وأحلق شعرى، وطلعت غنيت عشان بناتى مايتعقدوش وحسستهم إنه لوك جديد وعملت حفلة، ولما رجعنا لبعض تانى رجعوا تانى البنات يشوفوا إنه بيتدخل فى كل شىء وأنه إنسان معندهوش شغل وكرهنى فى بناتى، وهو فعلا اللى حلق لى شعرى، وشوفت معاه أيام سود

".وأكدت كذبها على جمهورها، قائلة: "كدبت فى حاجات كتيرة أوى لأنى بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية وأخلص منه ولو كنت قلت كلام وحش وقتها مكانش هيعرف يتجوز وأنا نفسى يتجوز ويبعد عنى".

تابعت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وخسرنى كل الناس خسرنى أمى وأبويا والسواق والشغالة، وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأنى كنت بحاول أنجح الحب ده ومكنتش بحب أتهزم".

وقد أثارت تصريحات شيرين غضب زوجها السابق المطرب حسام حبيب  والذى أكد أنه يجهز ردا قانونيا ضدها وضد التشهير بسمعته أمام الجميع.

وأشار إلى أنه يرفض الحديث على الملأ حفاظا على أسرتها، مضيفا: "دلوقتى أنا مضطر أتكلم لأن الكلام بقى زيادة، وهتكلم بحقائق عشان مبعرفش اتكلم كلام مرسل اتحاسب عليه وأفترى على حد، وتعرضت للإبتزاز من شيرين وبتهددنى بجمهورها".