بقلم خالد الأعور
بطن الارض ماعاد تِخمِة يساع
صوتو هَدَر عَ ترابها تفشّى
كِترِة ما حَوزَق صار يتدَشّى
شق العتم نَسّل خيطانو وجاع
وبين حَي وحَي .. يتمشّى
.......
وقرميد عَ سطوحو القمر جوّال
وشرشف دفا عَ طفل عملو مَريَلِة
وجوع الارض من فجعتو دَمّو غِلي
فَيّق الزلزال هَزّو........ وقال
السّطح والقرميد هَوْ كلُّون إلي
........
وفاق الفجر قَش الغفا نقزان
معَوَّد عَ تشكيلِةْ مدى معَمّر
والقفر شافو ملَحَّف...بْنيان
وكل شي علَيه مصَدّع مدَمَّر
........
وهونيك يعلا الصّوت من شهبا
دَوَّخ سماها حبال مرجوحة
سالِت دموع الموت من نحبا
الجنّة بوابا اليوم مفتوحة
........
يا ضياع كانِت خيال السما
الله بصابيعو فوق راجع يرسُما
إضافة تعليق جديد