قَلّي كتبيلي عن الغربه شي شعر
عن عمرنا المسروق بجياب الدهر
ع فراقنا الي طال بوعود الرجوع
عن شو معلِّم بالقلب مِنُّو قهر
قلت ودمع العيون عم يحكي الوجع
أكلِت الغربه حروفنا وضاع العمر
شو بكتب وشو بقول عن ذكرى فرح
عن لهفتي لَ حضن إمي والعذر
عن ذكرياتي وضحكتي لْ ظلِّت مَعُن
عن أخوتي عن صحبتي وهاك النهر
عن صوت مَيّ وساقيه وصنوبرة
عن سنديانه تحتها بَيِّ بقبر
ع محبتك شو بقول عن شوقي إلك
ع سنين مرُّوا وبعدني بقطف صبر ...
إضافة تعليق جديد