حصريا على المنصة بوست : المصري سامح شافعي ..يتحدي مخترع الفيس بوك ( مارك زوكربيرغ )

تطوير الأبلكيشن أخذ شهور وهو يخدم كل المجالات
السبت, نوفمبر 13, 2021 - 21
عامة
سامح شافعي .. يتحدي مخترع الفيس بوك ( مارك زوكربيرغ )

مروة أحمد

مراسل صحفي - مصر

أصبح لا خلاف على اسم المهندس المصري عالمياً، فقد تردد إسمه في كثير من المحافل الدولية على مختلف التخصصات، بداية من العمارة وهندسة الإنشاءات، وصولا لهندسة الكهرباء والبرمجيات، ونحن نعلم أنه لن تسعنا السطور للحديث عن الجميع ، ولكن لنأخذ مثالا واحدا لنجري حوار معه وهو المهندس سامح شافعي المقيم بالقاهره صاحب ال 35 عامآ ، الذس تخرج من كليه الهندسه جامعه عين شمس ، حيث أنه ابتكر تطبيقا للتواصل الاجتماعي.  و هو يسعى الأن لتحقيق حلمه وإظهار عمله الي النور ، لهذا المنصة بوست التقت به، فكان معه الحوار التالي .. 

 في البدايه  ما هو سبب تفكيرك في انشاء الابليكيشن ؟

كنت بحلم من زمان اعمل حاجه تفيد كل الناس ، وبدأت الفكره اني اعمل ابليكشن يوصل الناس بكل اصحاب العمل في كل المجالات 

ماهو شكل التطبيق في بدايته قبل التحديثات؟

كان عباره عن خدمات جواها اقسام وكل قسم جواه خريطه بيظهر عليها اصحاب العمل في هذا القسم 

هل لك ان تعطينا فكرة عن طريقه استخدام هذه الخدمات؟   

يوجد اختيار جوا الاقسام لاضافه طلب بيوصل بيه اشعار لاصحاب العمل القريبين ويوجد سوق لبيع وشراء كل شئ 

ماهي مميزات ابليكشن Itop؟ 

 فيه ڤويس كومنت وڤويس بوست يعنى هتسجل البوست والكومنت بصوتك وهتسمع تعليقات الناس ، هترتب الفيديوهات اللى في صفحة الفيديو حسب الاحدث او حسب الاقرب لمكانك او حسب الاعلى مشاهده . وتتواصل مع كل الخدمات القريبه من مكانك من اول الدكتور لحد الصنايعى وتقدر تعمل اوردار، وكمان فى سوق تقدر تشترى وتبيع عليه اى حاجه ، وتعمل متابعه للناس القريبين من مكانك ، وشات ومنتهى الامان والخصوصيه ، وتقدر تخفى علامة المراسله من على صفحتك لو مش عاوز حد يدخل يكلمك خاص.
وحاجات تانيه كتير فى التطبيق 

كم الوقت الذي استغرقته لتنفيذ الابليكيش i tpo ؟

تنفيذ الابلكيشن اخد وقت حوالى سنه شغل مستمر..وبعدها استمريت شهور فى العمل على التطوير وتصليح اى اخطاء كانت بتواجه المستخدمين

ما هي التطورات الجديده علي التطبيق؟ 

طورته خليته تطبيق للتواصل الاجتماعي وضفت ميزه الكومنت الصوتي والبوست الصوتي 

ما هو سبب تطوره لجعله للتواصل الاجتماعي ؟

لقيت ان دا هيفيد الفكره واني هقدر اعمل تواصل اجتماعي اجابي بشكل مفيد 

ما هو سبب تسمية الابليكيشن  i top ؟

لقيت ان الاسم ده بسيط يعبر عن القمة ومفيش فيه حروف كتير وفى نفس الوقت معناه حلو وفيه طاقه ايجابيه.

انت شايف ان التطبيق دا قمة في حالته حاليا ولا بعد التحديثات؟ 

دلوقتي هو متجه نحو القمه وبعد التحديثات والاضافات هيكون فوق القمة 

هذا التطبيق مجاني ولا هادف للربح؟ 

التطبيق مجاني بشكل كامل 

الابلكيشن فيه تواصل اجتماعى بشكل ايجابى ومفيد لكل الناس وبيقدر يخدم اصحاب العمل فى كل المجالات

كم عدد الاشخاص اللي سجلو عليه حاليا ؟

حوالي نص مليون 

الفكرة اثرت ازاي علي المجتمع ؟

الابلكيشن فيه تواصل اجتماعى بشكل ايجابى ومفيد لكل الناس وبيقدر يخدم اصحاب العمل فى كل المجالات والمستخدم العادى اللى بيحتاج اى خدمه وبيلاقيها فى ابلكيشن iTop.

ليه اهتميت بالمهن التي  قد يراها البعض غير مشهورة مثل السباك وصاحب الموبايل ؟

لان كل الناس ممكن تحتاج المهن دي وكمان اصحاب المهن يقدرو يزودو دخلهم مع زيادة حجم عملائهم .

هل هيكون في تطوير دائما ؟

اكيد باذن الله في تطوير دائم وتحديثات مستمرة 

مين شجعك ودعمك ؟

ثقتي بربنا سبحانه وتعالي 

هل نجحت من اول محاولة في انشاء ولا محاولات عديدة ؟

الحقيقة كان في محاولات كتيرة وحصل تطوير لان الابلكيشن في البداية كان خدمي فقط وبعدها طورت جزء التواصل وعملت فويس كومنت  وفويس بوست وفيديو. 

هل في حد ساعدك في برمجته ؟

فيه حد صديقي بدأ يساعدني في التطوير مؤخرا. 

هل كنت متوقع نجاحه؟

اه كنت متوقع النجاح بس فى صعوبات كتير مكنتش عارف انى هواجها بس الحمد لله. 

شايف انه ممكن ينافس باقي تطبيقات السوشيال؟ 

هيحصل بأذن الله وبنسبه اكبر في الوطن العربي وهينافس باقي التطبيقات في العالم 

هل تنافس مارك؟ 

لا انا بنافس نفسي وحلمي محتاج كل وقت التطبيق يكون فيه افضل من الوقت اللي قبله 

ايه رأيك في رد فعل الجمهور علي استخدامه؟

الحقيقه رد فعل الناس بيدينى طاقه ايجابيه لانهم مبهورين بفكرة الفويس كومنت وشايفين الابلكيشن هايل وهو لسه فى البدايه و مع التحديثات هيكون احسن كتير كمان باذن الله

هل حضرتك بترد على كل مستخدمي التطبيق لاول مره؟ وازاي بتلاقي الوقت لدا؟

بقدر الامكان بحاول انى اتواصل مع الناس واحاول اساعدهم يفهمو تفاصيل الابلكيشن واكيد صعب اتواصل مع كل الناس لكن كل الوقت اللى بكون صاحى فيه بيكون للابلكيشن فقط.

من زمان والناس نفسها في تطبيق عليه فويس كومنت، ايه سبب تأخرك؟

 انا بدائت تنفيذ الفكره من شهر نوفمبر ٢٠١٨ واخدت الريسك والموضوع خد وقت كتير ومجهود ااكبر   

هل هتفكر في يوم من الايام تبيعه زي واتساب وغيره؟

مستحيل افكر ابيع وبالفعل اتعرض عليا مشاركه من بعض رجال الاعمال ورفضت برغم ان الموضوع محتاج ماركتينج كتير لكن بحاول اعمل اللى اقدر عليه ومش هفكر ابيع فى يوم من الايام 

ما هو  سبب رفضك للتمويل الخارجي او الشراكه ؟

لأني مش حابب فكره ان حد يكون له اي تحكم في حاجه تعبت فيها مقابل فلوس هيدفعها. 

طبيعي لاي شخص انه يقابل عقوبات او صعوبات في الحياة . اي هيا العقوبات التي واجهتك في عمل الابلكش بشكل خاص في الحياة بشكل عام ؟                                           

الحقيقه قابلت صعوبات كتير فى الحياه واعتمدت على نفسى وكنت بشتغل وانا فى الدراسه وقابلت صعوبات اكتر فى تنفيذ الابلكيشن بس كنت مصمم انى اكمل

اخيرا كلمة ممكن توجهها لموقع المنصة بوست ؟

شكر موقع المنصه بوست علي الاهتمام بالشباب وعلي هذه المبادره  ، وبشكرهم ع مساعدتهم ان صوتي يوصل والابليكشن يكون موجود علي كل موبايل في مصر

 

 

 


Deprecated: Directive 'allow_url_include' is deprecated in Unknown on line 0